ദുർഗ മനോജ്

തലച്ചോറിന് മാറാനുള്ള കഴിവുണ്ട്. നമ്മൾ ആവർത്തിക്കുന്ന ചിന്തകളും ശീലങ്ങളും ശ്രദ്ധയും പരിശീലനവും നമ്മുടെ തലച്ചോറിലെ ബന്ധങ്ങളെ സ്വാധീനിക്കുന്നു. അതുകൊണ്ട് മാറ്റം ഒരു ദിവസം കൊണ്ട് സംഭവിക്കുന്ന അത്ഭുതമല്ല. ചെറിയ മാറ്റങ്ങൾ നിരന്തരം ആവർത്തിച്ച് ജീവിതത്തിന്റെ ഭാഗമാകുന്ന പ്രക്രിയയാണത്. അതിനാൽ ഈ അമ്പത് ദിവസങ്ങൾ അവസാനമല്ല. ഇത് പരിശീലനം തുടരാനുള്ള ഓർമ്മപ്പെടുത്തലാണ്. ഇനി നിങ്ങൾക്ക് സ്വയം ചോദിക്കാം:

വൈകിപ്പോയി” എന്ന ചിന്ത ആവർത്തിക്കുമ്പോൾ അത് ഒരു വിശ്വാസമായി മാറാം. എന്നാൽ തലച്ചോർ മാറ്റത്തിന് തയ്യാറാണ്.പുതിയൊരു കാര്യം പഠിക്കുമ്പോഴും, പുതിയൊരു ശീലം തുടങ്ങുമ്പോഴും, പഴയ വിശ്വാസത്തെ ചോദ്യം ചെയ്യുമ്പോഴും നമ്മൾ പുതിയ ചിന്താപാതകൾ സൃഷ്ടിക്കുന്നു. അതുകൊണ്ട് മാറ്റത്തിന് ഒരു പ്രായപരിധിയില്ല. പുതിയ ജീവിതം തുടങ്ങാൻ പുതിയ തീരുമാനം മാത്രം മതി.

വേദനയുള്ള ബന്ധങ്ങളെക്കുറിച്ചുള്ള ചിന്തകൾ ആവർത്തിക്കുമ്പോൾ, അതേ വികാരപാതകൾ ശക്തമാകുന്നു. എഴുത്ത്, പ്രാർത്ഥന, തനിക്ക് വിശ്വസിക്കാനാകുന്ന ഒരാളോട് തുറന്നു സംസാരിക്കൽ തുടങ്ങിയ ആരോഗ്യകരമായ മാർഗങ്ങൾ വഴി ആ വികാരങ്ങളെ ക്രമപ്പെടുത്താൻ കഴിയും. പരമപ്രധാനം, മറ്റൊരാളെ നമുക്ക് നിയന്ത്രിക്കാൻ കഴിയില്ല എന്നതും സ്വന്തം പ്രതികരണം ക്രമേണ മാറ്റിയെടുത്ത് സ്വയം മെച്ചപ്പെടാനാകും എന്നതുമാണ്.

ഒരു ചിന്ത ആവർത്തിക്കുമ്പോൾ അത് കൂടുതൽ പരിചിതമായ ചിന്താപഥമായി മാറുന്നു. "എല്ലാവരും എന്നെ അവഗണിക്കുന്നു" എന്ന ചിന്ത വരുമ്പോൾ അതുടൻ സത്യമെന്ന് വിശ്വസിക്കുന്നതിനുപകരം, "ഇത് എന്റെ ഇപ്പോഴത്തെ തോന്നലാണോ, അതോ യാഥാർത്ഥ്യമാണോ?" എന്ന് ചോദിക്കുന്നത് പുതിയൊരു ചിന്താശീലം വളർത്താൻ സഹായിക്കും. ചെറിയൊരു ഇടവേള പോലും പ്രതികരണത്തിനും യാഥാർത്ഥ്യത്തിനും ഇടയിൽ സ്ഥലമൊരുക്കും.

തലച്ചോർ സദാ പാറ്റേണുകൾ കണ്ടെത്താൻ ഇഷ്ടപ്പെടുന്നു. ചിലപ്പോൾ യഥാർത്ഥ ബന്ധമുള്ള പാറ്റേണുകൾ കണ്ടെത്തും. ചിലപ്പോൾ യാദൃശ്ചിക സംഭവങ്ങൾക്കിടയിലും ബന്ധമുണ്ടെന്ന് തോന്നാം. അതുകൊണ്ടാണ് നല്ല തീരുമാനങ്ങൾക്ക് നിരീക്ഷണവും രേഖപ്പെടുത്തലും പ്രധാനമാകുന്നത്. അതിലൂടെ മാത്രമേ അബദ്ധവിശ്വാസങ്ങൾ നേരിട്ടു മനസിലാക്കാനാകൂ.

മനസ്സ് ഒരു കഥ വിശ്വസിച്ചാൽ, ആ കഥയെ ശരിവയ്ക്കുന്ന സംഭവങ്ങൾ കൂടുതൽ ഓർമ്മിച്ചേക്കാം. അതിനെ മനഃശാസ്ത്രത്തിൽ കൺഫർമേഷൻ ബയാസ് എന്ന് വിളിക്കുന്നു. അതായത്, നമ്മുടെ വിശ്വാസത്തെ പിന്തുണയ്ക്കുന്ന കാര്യങ്ങൾ മാത്രം ശ്രദ്ധിക്കുകയും, അതിന് വിരുദ്ധമായ ഉദാഹരണങ്ങൾ അവഗണിക്കുകയും ചെയ്യുന്ന ഒരു സ്വാഭാവിക പ്രവണത.

തലച്ചോറിന് ഒരു സ്വഭാവമുണ്ട്. നമ്മൾ ആദ്യം വിശ്വസിക്കുന്ന കാര്യങ്ങളെ പിന്തുണയ്ക്കുന്ന വിവരങ്ങൾ കൂടുതൽ ശ്രദ്ധിക്കുകയും, അതിനു വിരുദ്ധമായ വിവരങ്ങൾ എളുപ്പം അവഗണിക്കുകയും ചെയ്യാം. അതുകൊണ്ടാണ് ഒരാൾ ലോകം മുഴുവൻ അവസരങ്ങൾ കാണുമ്പോൾ, മറ്റൊരാൾ ലോകം മുഴുവൻ പ്രശ്നങ്ങൾ മാത്രം കാണുന്നത്. ന്യൂറോപ്ലാസ്റ്റിസിറ്റി പറയുന്നത്: പുതിയ അനുഭവങ്ങൾ മാത്രം പോരാ. അവയെ ശ്രദ്ധിക്കാനും പരിശീലിക്കണം.

തലച്ചോർ ആവർത്തിച്ച് കാണുന്ന വിവരങ്ങൾ പ്രധാനമാണെന്ന് കരുതാൻ തുടങ്ങും. സോഷ്യൽ മീഡിയയിൽ തുടർച്ചയായി കാണുന്ന താരതമ്യവും "മറ്റുള്ള എല്ലാവരും മുന്നിലാണ്" എന്ന സന്ദേശവും, നമ്മുടെ യാഥാർത്ഥ്യബോധം മാറ്റും വിധം ശക്തമാണ്. അതുകൊണ്ട് നാം മനസ്സിലേക്ക് എന്താണ് ദിവസവും പ്രവേശിപ്പിക്കുന്നത് എന്നത് ചിന്തകളെ മെരുക്കുന്ന പ്രക്രിയയിൽ പ്രധാനമാണ്.

അമിതമായ ഭയവും സമ്മർദ്ദവും ഉള്ളപ്പോൾ, മനുഷ്യൻ ഉറപ്പും അഭയവും തേടും. അതുകൊണ്ട് തന്നെ, ഉറപ്പായ ഫലം വാഗ്ദാനം ചെയ്യുന്ന ആളുകളെയോ രീതികളെയോ ചിലർ എളുപ്പത്തിൽ വിശ്വസിക്കും. ന്യൂറോപ്ലാസ്റ്റിസിറ്റി നമ്മെ പഠിപ്പിക്കുന്നത് മറ്റൊന്നാണ്. ശാന്തമായ മനസ്സാണ് മികച്ച തീരുമാനങ്ങൾ എടുക്കാൻ കൂടുതൽ സഹായിക്കുന്നത്. അതുകൊണ്ട് മനസ്സിനെ ആദ്യം ശാന്തമാക്കുക. ശേഷം തീരുമാനം എടുക്കുക. ഏതു പ്രതിസന്ധിയേയും അതിജീവിക്കാനാകുമെന്നും, അതിനായി ശാന്തമായി പരിഹാരം കണ്ടെത്തുമെന്നും വിശ്വസിക്കുന്നതാണ് പുറമേ നിന്നുള്ള ഏത് പരിഹാര വാഗ്ദാനങ്ങളേക്കാളും വിശ്വസിക്കാവുന്നത്.

ഭയം, നിരാശ, നിസ്സഹായത എന്നിവ കൂടുമ്പോൾ തലച്ചോർ, "ഉടൻ പരിഹാരം" തേടാൻ ശ്രമിക്കും. ഇത് മനുഷ്യ മനസ്സിന്റെ സ്വാഭാവിക പ്രതികരണമാണ്. ചിന്താതലം മാറുന്നത് ഒരൊറ്റ ദിവസം കൊണ്ടല്ല. ചെറിയ ശീലങ്ങൾ, ആവർത്തിക്കുന്ന പരിശീലനം, അനുഭവങ്ങൾ, ചിന്തയിലെ മാറ്റം എന്നിവയിലൂടെയാണ് ന്യൂറോപ്ലാസ്റ്റിസിറ്റി പ്രവർത്തിക്കുന്നത്. അതുകൊണ്ട്… വേഗത്തിൽ ലഭിക്കുന്ന അത്ഭുതങ്ങളെക്കാൾ, പതുക്കെ വളരുന്ന/ വളർത്തിയെടുക്കുന്ന സ്വന്തം ശീലങ്ങളെ വിശ്വസിക്കാൻ പഠിക്കണം.