ഒന്ന്
മഞ്ഞപ്പട്ടുടയാടയൂർന്നു,നിടിലേ ഗോരോചനംമാഞ്ഞു, തൃ-
ക്കണ്ണിൽക്കൂമ്പുമൊരഞ്ജനക്കുതുകമോടെത്തും കിശോരാകൃതേ..
ദീനൻ ഞാൻ ദനുജാധമർക്കു രജകൻ,മാറാപ്പിലെദ്ദുഷ്കൃതം
നീരന്ധ്രാരുണപത്മപാദനികടേ വയ്ക്കാം, വെളുപ്പിക്ക നീ!
രണ്ട്
പീലിപ്പൂവഴകാർന്ന വാസര
മയിൽച്ചന്തങ്ങൾ ചേക്കേറിയോ..
ചായച്ചെപ്പുമറിഞ്ഞൊര സ്തഗിരിതൻചിത്രപ്രഭാസാനുവിൽ !
കോലംകെട്ടൊരിരുട്ടുപെറ്റ കവിതപ്പയ്യേ, ഭ്രമിക്കായ്ക, നീ
കോലപ്പൂങ്കുഴൽ കേട്ടു നേർവഴിയറിഞ്ഞെത്താം വ്രജത്തിന്നകം!
വൃത്തം: ശാർദ്ദൂലവിക്രീഡിതം.
