ഒന്ന്.
കള്ളത്രാസിനു തൂക്കിവിൽക്കുക കിനാ-
ക്കൽക്കണ്ടഖണ്ഡങ്ങളാ-
യുള്ളിന്നുള്ളിലൊളിച്ചുവച്ച മഴവിൽ
ത്തുണ്ടും മയിൽപ്പീലിയും
പിഞ്ഞിക്കീറിയ വാക്കു, നാക്കിനു പുറ
ത്തെത്താതെ ചാവട്ടെ, യീ
നെഞ്ഞിൻ കൂടിലമർന്ന ജീവകണികാ
സ്പന്ദത്തിനന്ത്യം വരെ…
രണ്ട്.
ഗ്രാമശ്യാമവനങ്ങൾ കത്തിയെരിയും
കാലത്തുമിക്കൂരിരുൾ –
ത്തോലുംചുറ്റിയിരുന്നു തത്ത്വമസിയാ
വർത്തിപ്പു രാജർഷിമാർ
രാവിൽപ്പാമരകോമരങ്ങളിടവി
ട്ടാർക്കുന്നു, കൂരമ്പിനാൽ-
പ്പൂവൽത്തൂവലറുന്ന പൂങ്കിളി കര
ഞ്ഞീടുന്ന ദീനസ്വനം…!!
(വൃത്തം: ശാർദ്ദൂലവിക്രീഡിതം)
