ഒന്ന്
തോട്ടുകൈതകൾ സുഗന്ധരേണു കന കക്കുടങ്ങളിൽ നിറയ്ക്കവേ
കാറ്റുവന്നു തടവുന്നു, പൂങ്കവിളിൽ
നുള്ളിടുന്നു മൃദുപാണിയാൽ
കൊയ്ത്തു തീർന്നു പവിഴക്കതിർക്കുലക
ളേന്തി, യംബരപഥം കട-
ന്നെത്തിടുന്നു ചെറു ചെമ്മുകിൽക്കിളിക-
ളന്തിപൂത്ത ശിഖരങ്ങളിൽ….!
രണ്ട്
പീലിപെറ്റുപെരുകുന്ന പുസ്തക മി,ടയ്ക്കെഴുത്തുകളരിക്കക –
ത്തോലകൊണ്ടു മെനയുന്ന പന്തിനു സതീർത്ഥ്യർ മല്ലിടുമൊരാരവം
ആലയങ്ങളിലുയർന്നിടുന്ന ഹരിനാമമന്ത്രമിവയൊക്കെയെ-
ക്കാലവും സ്മൃതിപഥത്തിൽ നില്പു പുതുമിന്നലിൻ തരികളെന്നപോൽ ..!
വൃത്തം – കുസുമ മഞ്ജരി
