ഒന്ന്
ചെന്നെല്ലിൻ കതിരുണ്ടു പാറിടു
മിളംപ്രാവിന്റെ പറ്റം, വഴി –
ക്കന്തിച്ചന്തമെഴുന്ന കുങ്കമമലർ
ക്കാവിന്റെ മന്ദസ്മിതം
ചെന്തെങ്ങിൽക്കളിയൂയലിട്ടകുസൃതി
ക്കാറ്റിന്റെ കോലാഹലം
ചിന്തിച്ചാലിതുതന്നെ നാക, മിവിടം
വിട്ടില്ല ഞാനെങ്ങുമേ…..
രണ്ട്
മുറ്റത്തങ്ങു കരിക്കൊടിക്കിടയിലും
തൈമുല്ലതന്മേലെയും
ചിറ്റാടത്തണലത്തുമാർത്തു കളിയാ
ടീടുന്നു പൂത്തുമ്പികൾ
തക്കംനോക്കിയണഞ്ഞകാറ്റു
ലഹരിപ്പറ്റിൽക്കുഴഞ്ഞാടി ഹാ
മുക്കുറ്റിക്കൊരു മുത്തമിട്ടു വയലിൽ
ചുറ്റുന്നു മോഹാന്ധനായ്!
വൃത്തം: ശാർദ്ദൂലവിക്രീഡിതം
