ഒന്ന്
തത്തും വാക്കുകൾ ചത്തുവീണുചിതറും കണ്ഠത്തിൽ,നാസാന്തരം-
കത്തിപ്പൊട്ടുമിടയ്ക്കിടയ്‌ക്കു, ദഹനച്ചൂടേറ്റുവാടും മുഖം
ഹൃത്തിൽച്ചെന്തുളയിട്ടു ദന്തമുനയും താഴ്ത്തിക്കളിക്കുന്നൊരീ
സത്ത്വത്തിന്റെ കിരാതരീതി തിരിയാ ശാസ്ത്ര പ്രമാണത്തിനും !
രണ്ട്
ആരാണെന്നറിയില്ല പെറ്റതിവനെ ,
ച്ചീനാംശുകം ചുറ്റിയ –
ക്കാരാഗാരതമസ്സിലിട്ടു നെടുനാൾ
പാലിച്ച, താരാണു പോൽ
ഊരെങ്ങാണറിയില്ല, പേരുമറിയില്ലെന്നാലുമൊന്നുണ്ടിവൻ
പേരാളും നരവർഗ്ഗരക്തസിരയിൽ ക്കൊത്തും മഹാമൃത്യുതാൻ!
(വൃത്തം-ശാർദ്ദൂലവിക്രീഡിതം)
