കർമ്മം
നിങ്ങളെ സദാ നിരീക്ഷിക്കുവാൻ
ഒരു നക്ഷത്രത്തെ അവിടുന്ന് ഏർപ്പാടാക്കിയിട്ടുണ്ട്.
നിങ്ങളുടെ നെറ്റിമേൽ ഉരുവംകൊള്ളുന്ന
ഓരോ വേർപ്പുതുള്ളിയും
ദൂരെയെങ്ങോ ഒരു കതിർക്കുലയിൽ പാകമായ് നിൽക്കുന്ന
ധാന്യമണിയെ ഉദ്ദീപിപ്പിക്കുന്നു,
ഉത്തേജിപ്പിക്കുന്നു!
നോക്ക്!
എത്ര കുലീനമായിട്ടാണ് ആ മൺകട്ടകൾ അവൻറെ കാൽച്ചുവട്ടിലമരുന്നത്!
തൻറെ രഹസ്യങ്ങളെല്ലാമറിഞ്ഞ കാമുകനോട് പ്രണയിനി
‘ഞാൻ നിൻറെ ഉടുപ്പാകട്ടെ’ എന്ന്
പറ്റിച്ചേരുന്നതുപോലെ !
