മതം
നിഷ്കളങ്കമെന്നു തോന്നിക്കുന്ന സങ്കീർണമാം ഒരവയവം. അതാണു മതം.
ദൈവം നിൻറെ മുമ്പിൽ കുടഞ്ഞിടുന്ന സമയം.
ആ വീഴ്ചയിൽ തെറിച്ചു പോകുന്ന മുത്തുമണികൾ..
നിന്നെ കബളിപ്പിച്ചുകൊണ്ട് അവ
ഉരുണ്ടുകൊണ്ടേയിരിക്കും.
ദൈവം നമുക്കായ് തുന്നിയ
നഗ്നതയുടെ ചർമം.
നമ്മൾ അതിൽ തുളച്ചു പിടിപ്പിച്ച
തൊങ്ങലുകൾ ,തോന്നലുകൾ..
ഉണങ്ങാൻ വിസമ്മതിച്ചുകൊണ്ടവ നീറിക്കൊണ്ടേയിരിക്കുന്നു.
വിയർപ്പിൽ മുങ്ങിയ കലപ്പയാകട്ടെ നിങ്ങളുടെ മതം!
