സുന്ദരത
നെയ്ത്തുകാരന്റെ വിരലുകളിലാണ് വസ്ത്രത്തിന്റെ സൗന്ദര്യം.
അതുപോലെ
ദേഹിയുടെ ഉൾത്തടാകമത്രേ ദേഹസൗന്ദര്യത്തിന്നുറവ.
സൗന്ദര്യം :
അതിന്റെ ഉന്നതോഷ്മാവിൽ പൊള്ളിപ്പോയ സൂര്യരശ്മി പറയുന്നു : ഞാൻ നിന്റെ പിതാവാണ്.
അതിന്റെ ഉൾത്തണുപ്പിൽ കിടുകിടത്തു പോയ പല്ലുകളെ വല്ലപാടും കൂട്ടിപ്പിടിച്ചുകൊണ്ട് നിലാവു പറയുന്നു: ഞാൻ നിന്റെ മാതാവാണ്.
എല്ലാം കേട്ടുകേട്ട്
തല കുലുക്കിക്കോണ്ടതു പറയുന്നു : ‘ഞാനാരെ പ്രതിഫലിപ്പിക്കുന്നുവോ, അവരാകുന്നു എന്റെ ഉടയോന്മാർ!’
