നന്മതിന്മകൾ
സംഗീതം പഠിപ്പിച്ച അധ്യാപികയെ
നീയോർക്കുന്നുണ്ടോ ?
അപശ്രുതികൾ അല്ലാതെ
നീയെന്താണ് അവർക്ക്
പകരം കൊടുത്തിട്ടുള്ളത് ?
പക്ഷേ അവരെ നോക്കൂ;
നിന്നെ അടുത്തെത്തിച്ച ആ നിമിഷത്തെ, അതിൻറെ ഫലശ്രുതിയെ പ്രതി
അവർ ചിന്താശയത്തിൽ ആരോപണങ്ങളുടെ തോണികൾ സ്വയമൊഴുക്കിയതേയില്ല, ഒരിക്കലും.
ഇനി നിന്നുള്ളിലേക്കു നോക്കുക;
ധ്യാനത്തിന്റെ ദ്വീപുകൾ തേടിയുള്ള
യാത്ര തുടരുക.
ആ പൂഴിമണൽത്തണുപ്പിൽ
മടിച്ചുമടിച്ചു കാൽ വയ്ക്കുമ്പോൾ
ഒരു ദിശാസൂചി നിനക്കു മുമ്പിൽ തെളിഞ്ഞുവരും:
“കെട്ടുപോയ നന്മ തന്നെയാണ് തിന്മ.
അഥവാ ജനിതകമാറ്റം സംഭവിച്ച നന്മ!”
