സൗഹൃദം
ആത്മാവിൻറെ ഉടുപ്പാണ് സൗഹൃദം
വൃക്ഷങ്ങളിൽ ആൺ -പെൺ
ഇല്ലാത്തപോലെ സൗഹൃദങ്ങളിലും ലിംഗവ്യത്യാസമില്ല.
മീനുകൾ ജലാശയത്തെ പൂർണ്ണമായും വിശ്വസിക്കുന്നതുപോലെ
അവൻ/ അവൾ നിന്നെ വിശ്വസിക്കുന്നു.
സ്വന്തം വലയെറിയലുകളിൽ കുടുങ്ങുന്ന സന്തോഷപ്പിടച്ചിലുകളെ അവൻ നിനക്ക് മുഴുവനായ് വെച്ചു നീട്ടുന്നു.
നിൻറെ കൈകൾ ഒരിക്കലും ആകാശത്തിനു നേരെ ഉയരുവാൻ
അവൻ സമ്മതിക്കുകയേയില്ല.
പിടയുന്ന മനസ്സുമായ് അവൻ
നിന്നെടുത്തേക്കോടിവരുമ്പോൾ
സ്വയമൊരു ആശ്രമമായ് തീരുക.
അവന്റെ ദുഃഖങ്ങളെ കാലിലുരുമ്മുന്ന പൂച്ചകളായ് പരിവർത്തനം ചെയ്യുക!
