കുഞ്ഞുങ്ങൾ
കുഞ്ഞുങ്ങൾ:
അവരോടു തോറ്റു കൊണ്ട്
നിങ്ങൾ ജയിക്കുക!
അവർ ജലപ്പരപ്പിൽ നീന്തുമ്പോൾ താഴേക്കു വലിക്കുന്ന
അടിയൊഴുക്കുകളാകാതിരിക്കുക.
സൂര്യൻ ചൂടുപിടിപ്പിച്ച
അവരുടെ കൺപീലികളിൽ
കാറ്റായ് ഉതിർന്നു വീഴുക.
ഒരുനാൾ അവർ തങ്ങളുടെ
പുറന്തോടു പൊട്ടിക്കുന്ന
ശബ്ദം കേട്ടുണരുമ്പോൾ
ആഹ്ലാദത്തിൻ കടലിലെ ചങ്ങാടമാവുക.
എങ്കിലും വിഷമിക്കാതിരിക്കുക;
കാരണം അമ്പിന്റെ ഓർമ്മയിലെന്നും വില്ലിൻറെ ആവേഗങ്ങൾ
ഉണർന്നു തന്നെയിരിക്കും !
