സമയം
ചിന്തകളാൽ നിങ്ങളുടെ ജീവിതത്തെ
വലംവച്ചു കൊണ്ടേയിരിക്കുക.
ആ നിരന്തരഭ്രമണത്തിന്റെ
ഒരു ധന്യ നിമിഷത്തിൽ സമയത്തിന്റെ ദേവനെ നിങ്ങൾ കണ്ടെത്തും.
അനിശ്ചിതത്വങ്ങളുടെ ഉറയൂരി
അദ്ദേഹം നിങ്ങളെ സ്വതന്ത്രനാക്കും.
പൊട്ടുകുത്തിയ ആകാശത്തിന്റെ
ആയിരം നക്ഷത്രമാലകളിലൊന്നിനെ കഴുത്തിൽ കണ്ട് നിങ്ങളാകെ മഞ്ഞളിച്ചു പോകും!
അളക്കുന്ന ,
മുറിക്കുന്ന,
വീതം വയ്ക്കുന്ന കാര്യങ്ങളൊന്നും
പിന്നെ നിങ്ങൾ ഓർക്കാനേ പോകുന്നില്ല.
