ഒറ്റപ്പെടുന്ന ഹൃദയങ്ങളെ അടുത്തറിഞ്ഞിട്ടുണ്ടോ
അവരെപ്പോഴും ചിരിക്കാന്‍ ശ്രമിച്ചുകൊണ്ടിരിക്കും
ഏതാള്‍‍ക്കുട്ടത്തിലും കാണും പുഞ്ചിരിക്കുന്ന ഹൃദയവുമായവര്‍
അവരുടെ മിഴികളിലേക്ക് ഉറ്റുനോക്കിയിട്ടുണ്ടോ
നോക്കിയാല്‍കാണാം, പെരുമഴപെയ്യുന്ന നേരവും
ആ വേലിയേറ്റങ്ങളില്‍ നിറഞ്ഞു തുളുമ്പുന്ന മിഴികളെ
ചിരിയിലൊതുക്കാന്‍ ശ്രമിക്കുന്നത്
അവരെപ്പോഴും ഒരു തോടിനുള്ളിലേക്ക് തങ്ങളുടെ സ്വപ്നങ്ങളെ
പൂഴ്ത്തി വെയ്ക്കും, പുറമേ സന്തോഷമഭിനയിച്ച്
ആര്‍ത്തു ചിരിച്ചൊരു ശലഭം കണക്കേ നിറഞ്ഞാടും
ചിലനേരമവരുടെ ഒറ്റഹൃദയം വിങ്ങുമ്പോള്‍
ആരും കാണാതെ, അറിയാതെ
നിലയില്ലാക്കയത്തിലെന്നപോലെ ഭൂമിയേക്ക് ആര്‍‍ത്തലച്ചു പെയ്തിറങ്ങും
ആ നേരമവരെ ചേര്‍ത്തുപിടിക്കുകില്‍
ആ ഒറ്റഹൃദയങ്ങള്‍ നിങ്ങളെ സ്നേഹത്തിന്റെ മായാലോകത്തെ
രാജകുമാരിയാക്കും..
