രേഖ ആർ താങ്കൾ

തന്റെ സർഗ്ഗാത്മകസ്വത്വം വെളിപ്പെടുത്താൻ ഭയപ്പെട്ട പഴയ നായികയിൽ നിന്ന് അവളുടെ ഗതികിട്ടാത്ത ആത്മാവിനെ അഴിച്ച് നരഭുക്കായ കടുവയിൽ ചേർത്ത ആറ്റൂരിനെപ്പോലെയാണ് മീരയുടെ തുടർന്നുള്ള കഥാപാത്രസൃഷ്ടികൾ. ബൗദ്ധികവും വൈകാരികവുമായ വ്യക്തിസ്വത്വത്തെ മാനിക്കാത്ത കുടുംബത്തെയോ പ്രണയത്തെയോ അംഗീകരിക്കാൻ അവർ തയ്യാറല്ല.

എല്ലാക്കാലത്തും ഏറ്റവും ജനപ്രിയമായ സാഹിത്യരൂപമാണ് നോവൽ. തെരഞ്ഞെടുക്കുന്ന ജീവിതപരിസരത്തിന്റെ സാമൂഹികവും സാംസ്കാരികവും രാഷ്ട്രീയവും മനശാസ്ത്രപരവുമായ സമഗ്രവിശകലനം നോവലിൽ നടക്കുന്നുണ്ട്. മനുഷ്യന്റെ ആന്തരികജീവിതത്തെയും ആത്മസംഘർഷങ്ങളെയും ആവിഷ്കരിക്കുന്നതോടൊപ്പം ബാഹ്യജീവിതചുറ്റുപാടിന്റെ പ്രശ്നങ്ങളേറ്റെടുക്കുകയും അവയോട് കലഹിക്കുകയും ചെയ്യാനുള്ള അവസരം നോവലിലുണ്ട്.

സ്വപ്നങ്ങളിലൂടെ നിർമ്മിക്കപ്പെടുന്ന ഭ്രമാത്മകകാഴ്ചകളെ മാജിക്കൽ റിയലിസത്തിലൂടെ മാർക്കേസ് തന്റെ രചനയുടെ ഭാഗമാക്കി. ഇവിടെ ഹാങ്ങ്കാങ് ചെയ്യുന്നത് അതിൽ നിന്നും വ്യത്യസ്തമാണ്.

സ്വന്തം ജീവിതം പാഴാക്കിക്കളഞ്ഞവരെന്ന് യഥാർത്ഥവിപ്ലവകാരികളെ ആക്ഷേപിക്കുന്ന ഒരു കാലത്തിരുന്നാണ് ഷീബ ഇ.കെ " മഞ്ഞ നദികളുടെ സൂര്യൻ" എഴുതുന്നത്.

കാട്ടൂർ കടവ് ദേശമെഴുത്തും ദേശത്തിന്റെ രാഷ്ട്രീയമെഴുത്തും രാഷ്ട്രീയത്തിന്റെ ചരിത്രമെഴുത്തുമാണ്. കനോലി കനാലിന്റെ തീരത്തുള്ള ഒരു ഗ്രാമമാണ് കാട്ടൂർ കടവ്. ജലഗതാഗതം മെച്ചപ്പെടുത്താൻ മലബാർ കളക്ടർ ആയിരുന്ന കനോലി സായിപ്പ് കോഴിക്കോട് മുതൽ കൊടുങ്ങല്ലൂർ വരെ 1848ൽ പണികഴിപ്പിച്ചതാണ് കനോലി കനാൽ. കനോലി കനാലിന്റെ തീരത്തുള്ള ധാരാളം കടവുകൾ നോവലിൽ പരാമർശിക്കപ്പെടുന്നുണ്ട്.

ഭൂതകാലത്തോട് എഴുത്തിനുള്ള പ്രണയം മലയാള നോവലുകളിലൂടെ കടന്നുപോകുമ്പോൾ ഏറെ പ്രകടമാണ്. കാലത്തിൻ്റെ ദാർശനിക സ്വഭാവത്തെയാണ് ആധുനിക മലയാള നോവലുകൾ ആവിഷ്കരിച്ചത്. എന്നാൽ സാമൂഹികസ്വഭാവമുള്ള കാലത്തിൻ്റെ ബാഹ്യാനുഭവത്തെയാണ് സമകാലനോവലുകൾ ആവിഷ്കരിക്കുന്നത്.

വൈയക്തികമായ അനുഭവപരിസരത്തിനു സമാന്തരമായ ഒരു സാമൂഹികപരിസരം നിർമ്മിക്കാൻ ജയമോഹൻ്റെ എഴുത്തിനു കഴിയുന്നുണ്ട് . നായാടിജീവിതത്തിൽ അമ്മയ്ക്കൊപ്പം കഴിഞ്ഞ കാലവും വർത്തമാനകാലം ആവശ്യപ്പെടുന്ന അഭിജാതജീവിതവും ഇടകലർത്തി ഭൂതവർത്തമാനങ്ങളെ ആഖ്യാനപ്രവാഹത്തിൽ ഇണക്കിച്ചേർക്കുന്നു . നായാടിജീവിതത്തിലെ വിശപ്പും പകപ്പും നായകൻ്റെ ഇന്ദ്രിയാനുഭവങ്ങളായി നോവലിലുടനീളമുണ്ട് .

നോവലെഴുത്തിൻ്റെ പതിവുശീലങ്ങളെയും സമ്പ്രദായങ്ങളെയും നിരസിക്കാതെ, ഒരു പ്രത്യേകവംശത്തിൽ പിറന്നുപോയതിൻ്റെ പേരിൽ ഒരു ജനത അനുഭവിക്കുന്ന കൊടിയപീഡനത്തിൻ്റെ കഥയാണ് കഥാകാരി പറയുന്നത്.

നിങ്ങളിലെത്തുമ്പോൾ കാലത്തിനൊപ്പം സഞ്ചരിക്കുന്ന എഴുത്തുകാരൻ്റെ കാലത്തിനു മുന്നേയുള്ള സഞ്ചാരം കൂടിയാകുന്നുണ്ട് നോവൽ. എഴുപത് വയസ്സ് പിന്നിട്ട നിങ്ങൾ സ്വന്തം മരണം പ്രഖ്യാപിക്കാനായി വിളിച്ചു ചേർക്കുന്ന പത്രസമ്മേളനത്തിലാണ് നോവൽ ആരംഭിക്കുന്നത്.

ആത്മഹത്യാമുനമ്പിൽ നിൽക്കുന്ന മനുഷ്യാവലിയുടെ ഇത്തരത്തിലുള്ള ജീവിതാവസ്ഥകൾക്കെതിരെ ഒരു കൂർത്തനോട്ടം സി.രാധാകൃഷ്ണൻ്റെ ഈ നോവലിലുണ്ട്. അത് സ്നേഹം പ്രാണനിലലിഞ്ഞു പോകുന്ന ഒരു മനുഷ്യൻ്റെതാണ്. ഭൂമിയിൽ ഏതെങ്കിലും ഒരു ധർമ്മസങ്കടം നിലനിന്നാൽ അതു മാറുന്നതുവരെ സ്നേഹത്തിലധിഷ്ഠിതമായ സാംസ്കാരികവിപ്ലവം അവസാനിപ്പിക്കാൻ പാടില്ലയെന്ന് ഉറച്ചുവിശ്വസിക്കുന്ന കഥാകാരൻ്റെ മനസ്സാണത്.