മോഹനൻ മൂലയിൽ
എറണാകുളം ജില്ലയിൽ കാഞ്ഞിരമറ്റത്തിനടുത്ത് കൈപ്പട്ടൂർ സ്വദേശി .
കെ.എസ്.ആർ.ടി.സിയിൽ നിന്നു വിരമിച്ചു. ഇപ്പോൾ അക്ഷരശ്ലോക രംഗത്ത് സജീവം. പുതിയ കാലത്ത് വൃത്താലങ്കാരനിബദ്ധമായി മികച്ച ശ്ലോകങ്ങളെഴുതുന്ന അപൂർവം കവികളിലൊരാൾ. 2018ൽ പ്രസിദ്ധീകരിച്ച മോഹനം എന്ന ശ്ലോക സമാഹാരം ഈ രംഗത്ത് ഏറെ ശ്രദ്ധ നേടിയിരുന്നു.
മോഹനം കവിതായനം -22 ദുരിതകാലം ..
പട്ടിണി വരട്ടി,യതിലുപ്പുമൊഴി കൂട്ടി
ക്കുട്ടികളെയൂട്ടിടുമൊരിഷ്ടസഖിയാളേ
ഇക്കിളിയുണങ്ങിയൊരു നിന്റെ കവിളത്തും
നെൽക്കതിർ മണക്കുമൊരു കാറ്റു തഴുകുന്നു…!
മോഹനം കവിതായനം -21 വാഗ്ദേവത
അക,ത്താരു ചൊല്ലെ
ന്നിടിക്കൊത്തുകേട്ട-
ന്നകത്താരിലാദ്യത്തെ
വെട്ടം കുരുത്തോ…
മോഹനം കവിതായനം -20 സ്വർഗ്ഗത്തേക്കാൾ സുന്ദരം
സല്പുഷ്പങ്ങൾ നിരന്ന നാട്ടുവഴിയും പാടങ്ങളും മേട്ടിലെ
ക്കൽത്തൊട്ടിക്കകമേ കുളിച്ചു കുറുകിപ്പാറുംകിളിക്കൂട്ടവും
മോഹനം കവിതായനം -19 പ്രണയപർവം
ഓമൽച്ചുണ്ടുകൾനൊന്തിടാതെ,യിണതൻനെഞ്ചോടുചേർന്ന,ക്കിളി-
പ്പൂവൻ പ്രാണസുഖപ്രസാദമധുരം നേദിക്കുമീ സന്ധ്യയിൽ
മോഹനം കവിതായനം -18 : സർഗ്ഗ വസന്തം.
ഈറൻമണ്ണിലുയിർത്തൊരിപ്രണയ ദാഹങ്ങൾക്കു തീർത്ഥത്തിനാ-
യീരാവും മെനയുന്നു കാമനയൊടുങ്ങീടാത്തതണ്ണീർക്കുടം
ഞാനെൻസർഗ്ഗവസന്തവല്ലരികളെക്കെട്ടിപ്പുണർന്നുത്സുകം
തേനുണ്ണാൻ തുനിയുന്നു, കല്പവനിയിൽത്തത്തുന്നുപൂത്തുമ്പികൾ !
മോഹനം കവിതായനം -17 :പാർവതീ പരമേശ്വരം
ചൂടാ, നിന്ദുകലാവതംസ, മുടലിൽച്ചൂടുള്ള ചാരം, വിഷ-
ച്ചൂടാറ്റാ ,നമരാപഗാപരിമള സ്നിഗ്ദ്ധാംബു ധാരാരസം
കൂടെക്കൂടെ ഹിമാദ്രികന്യയരുളും ബിംബാധര സ്പർശനം
പാടാം നിൻ ചരിതം ഭവാപഹമഹം വ്യാഘ്രാലയാധീശ്വര!
മോഹനം കവിതായനം -16 : രാഗവും വർണ്ണവും
പീലിക്കൂന്തൽ മിനുക്കി, നെറ്റിയിലെഴും
ഗോരോചനം തൊട്ടെടു-
ത്താലോലാരുണമേനിയൊന്നു തഴുകി
സ്സായാഹ്നമന്ദാനിലൻ
ചേലിൽപ്പത്മപരാഗഗന്ധമിയലും
നിൻ ചുണ്ടിലെത്തേൻ കവർ -
ന്നീലേ,നിസ്തുലഭാവസാന്ദ്രകവിതേ
ഞാൻ നോക്കി നിന്നീടവേ ?
മോഹനം കവിതായനം -15 സർഗ്ഗോന്മാദം
ഈറൻമണ്ണിലുയിർത്തൊരിപ്രണയദാഹങ്ങൾക്കു തീർത്ഥത്തിനാ-
യീരാവും മെനയുന്നു കാമനയൊടുങ്ങീടാത്ത തണ്ണീർക്കുടം
ഞാനെൻ സർഗ്ഗവസന്തവല്ലരികളെക്കെട്ടിപ്പുണർന്നുത്സുകം
തേനുണ്ണാൻ തുനിയുന്നു, കല്പവനിയിൽത്തത്തുന്നുപൂത്തുമ്പികൾ !
മോഹനം കവിതായനം -14 നിദ്ര
പീലിത്തണ്ടു നിരത്തിമേഞ്ഞൊ രഴകിൻകൂടാരമൊ, ന്നുള്ളിലായ് -
ച്ചേലിൽത്താരകമുത്തുകോർത്ത മൃദുമഞ്ജീരം ചിരിക്കുംസ്വരം
കോലത്തേന്മൊഴിയാൾക്കു കണ്ണെഴുതുവാൻ രാഗാഞ്ജനം നിദ്രതൻ-
നീലച്ചെപ്പിലെടുത്തുനില്പു,രജനീതാരുണ്യലീലാവനം!
മോഹനം കവിതായനം -13 വൃന്ദാവനത്തിൽ ..
മയിൽച്ചന്തങ്ങൾ ചേക്കേറിയോ..
ചായച്ചെപ്പുമറിഞ്ഞൊര സ്തഗിരിതൻചിത്രപ്രഭാസാനുവിൽ !
Latest Posts
- Advertisement -