ഗ്രിൻസ് ജോർജ്ജ്

കുറച്ചുദിവസങ്ങളായി ഞാൻ ചില ചലിക്കുന്ന ചിത്രങ്ങൾ ആവർത്തിച്ചുകാണുന്നു. രാത്രിയിൽ ഉറക്കത്തിൽ കാണുന്നതിനാൽ അതിനെ ഞാൻ സ്വപ്നമെന്നു വിളിക്കുന്നു.

രാഹുൽ നീളൻവരാന്തയുടെ പടികൾ ചാടിയിറങ്ങി. ഊരിപോയ സ്ലിപ്ലർ ചെരുപ്പിന്റെ വള്ളി കേറ്റിയിട്ടുകൊണ്ട് മുറ്റത്തൂടെ നടക്കുമ്പോൾ ചെരുപ്പിന്റെ തേഞ്ഞ ഭാഗത്തിലൂടെ തുളച്ചു കയറിയ കരിങ്കല്ല് കാലിനെ വേദനിപ്പിച്ചു.

ഓർമ്മകളിലെ ബാല്യമെപ്പോഴും ചെളിപ്പുരണ്ടതാണ്. പാടവരമ്പിന്റെ അരികു ചേർന്നുള്ള നടപ്പുവഴിയിലത് കുപ്പിവളകൾ പൊട്ടിച്ചിട്ടിരിക്കുന്നു.