ദീപ അജിത്ത്

ഒരു പ്രണയം എന്റെ കൈത്തണ്ടയിൽ സ്വർണ്ണച്ചരടായ് ക്ലാവു പിടിച്ചു കിടക്കുന്നു. നാളിതുവരേയും ലാളനകളേൽക്കാതെ പ്രണയഗീതികകൾ കേൾക്കാതെ മീനച്ചൂടിലും മകരമഞ്ഞിലും വീർപ്പുമുട്ടി കൈയും മെയ്യും തളർന്ന് എന്റെ ഹൃദയ കല്ലറയ്ക്കുള്ളിൽ ആവാഹിക്കുവാൻ കൊതിച്ച് മൃത്യുവിന്റെ പിണിയാളന്മാരുടെ  ആത്മാക്കൾ കുടിയിരിക്കുന്ന  ഗുഹകൾ പോലെ  ഉൾവലിഞ്ഞ കണ്ണുകളാൽ  തുറിച്ചു നോക്കിക്കൊണ്ട്  ഹതാശനായ് കിടക്കുന്നു. ഒരു പ്രണയം എന്റെ നര ബാധിച്ച ഹൃദയത്തിലേശാത്ത സ്വപ്നസ്ഫുടമാർന്ന ഗാനം. കൂർത്ത...