അലാറം

നിദ്രയുടെ സുഖത്തിലമർന്നു കിടക്കവെ
ഞാൻ നിയോഗിച്ച കാവൽക്കാരനായ ഘടികാരം
എന്നെ തട്ടിവിളിക്കുന്നു
തുളച്ചുകയറുന്ന ഒരു വിളി,
പ്രഭാതമായി, ഉണരുക.

സുഖസ്വപ്നങ്ങളെ തകർത്തുകൊണ്ട്
ഘടികാരത്തിൻ്റെ അലാറം മുഴങ്ങുന്നു.
അത് ദൃഢവും കർശനവുമാണ്
ഏതു നിദ്രയിൽ നിന്നും
ഉണർത്താനായി അത്
കൃത്യത പാലിക്കുന്നു.

പ്രഭാത വെളിച്ചം തെളിയുമ്പോൾ
കൃത്യതയോടെ
അലാറം ക്ലോക്കിന്റെ ജോലി നിർവഹിക്കുന്നു
അലാറം മുഴങ്ങവെ
പാതിമുറിഞ്ഞുപോയ
സ്വപ്നങ്ങളെ താലോലിച്ച്
ഘടികാരത്തെ ശപിക്കുന്നു
അതിന്റെ വിളിയിൽ.
അലോസരമായ ചിന്തകളുണരുന്നു

മടിയനായ ഒരാളുടെ കർത്തവ്യത്തെ
ഘടികാരം
അലാറം മുഴക്കികൊണ്ട് ഓർമ്മപ്പെടുത്തുന്നു.
വിശ്രമമില്ലാതെ മണിക്കൂറുകൾ
ജോലിയിൽ വ്യാപൃതനായി
സ്വപ്നജീവികളെ  ഉണർത്തുന്നു

ഘടികാരം ജീവിതത്തിലെ
ഓരോ കർത്തവ്യത്തെയും
സമയത്തിൻ്റെ വിലയേയും
കൃത്യതയോടെ ഓർമ്മപ്പെടുത്തുന്നു
ഓരോ പ്രഭാതത്തിലും
ഈ ഓർമ്മപ്പെടുത്തൽ
ഉച്ചത്തിലും, കൃത്യവുമാണ്.

സൂര്യൻ പകലിനെ പ്രകാശിപ്പിക്കുന്നതുപോലെ
ഘടികാരം  അലാറം മുഴക്കുന്നു
സ്വപ്നജീവിതത്തിൽ നിന്നും
നാം ഇതുവരെ തിരിച്ചറിയാത്ത
ഒരു ലോകത്തിലേക്ക്
നമ്മെ ഉണർത്തുവാനായി.