ഏതോ കഴുകൻ
കൊത്തിവലിച്ചതാണ്
അവളുടെ മജ്ജയും മാംസവും
വികാര പാരവശ്യം
എന്നിട്ടും
മിഴികളിലുണ്ട്.
നഖം നീട്ടിവളർത്തുന്നുണ്ട്
പിച്ചിച്ചീന്താൻ അവസരം
വരുന്നതും കാത്ത് !
വെയിലേറ്റ്, മഴയേറ്റ് ,
ഇക്കാലമത്രയും
ഉമിനീർ വറ്റിയത്
ഉപ്പു തിന്നിട്ടല്ല ..
പുലഭ്യം തുടർന്നിട്ടാണ്
മിഴികൾ ചുഴറ്റുന്നുണ്ട്
രാവേറെയായിട്ടും
രാപ്പക്ഷി ചിലച്ചില്ല !
ചീവീടുകൾ കരഞ്ഞില്ല
നിശാശലഭങ്ങൾ വന്നില്ല
ഒരു നക്ഷത്രം പോലും
ഉദിച്ചില്ല ..
പേരറിയാത്ത
ഗൂഢ കാമുകനും
പോയിരിക്കുന്നു.
നഖം അല്പം കൂടി
വളർന്നിരിക്കുന്നു.
