അവളുടെ ആഗ്രഹങ്ങളെല്ലാം
നടത്തിക്കൊടുത്താൽ
നീയൊരു പമ്പര വിഡ്ഢിയെന്ന് പ്രപഞ്ചം .
കാമുകിയാണേൽ ലോകം മുഴുവനും
അവൾക്കു വേണ്ടി പുതുക്കി പണിയും .
കെട്ടിയോളണേൽ
അതൊരു വിഡ്ഢിത്തവും ;
പൊരുത്തക്കേടുകളുടെ
മീൻ വലക്കണ്ണികൾ .
അങ്കുശമില്ലാത്ത ചാപല്യമല്ലേ
അത്ര മതി .
മിന്നു വീണാൽപ്പിന്നെ
നല്ലപാതിയുടെ പിന്നിലാണ്
ആഗ്രഹങ്ങളും നടക്കാറ് പോലും ,
പുതിയ പെണ്ണുങ്ങൾ
പിന്നിലേ പോകാറില്ലത്രേ
ഒപ്പമല്ലെങ്കിൽ ഒരൽപം മുന്നിൽ .
കാലം കാത്തുവച്ച കാവ്യ നീതി !
എങ്കിലും “താണു കിടക്കുന്നു …”
അന്നന്നത്തെ അന്നത്തിന്
ചേറും പുകയുമായി മുഷിയുന്ന
അനേകർ ..
ജീവിതം കാട്ടിക്കൊതിപ്പിക്കുന്ന
അത്ഭുതങ്ങൾമാരീചനെപ്പോലെ
പിടി കൊടുക്കാതെ
മാഞ്ഞു പോകുന്നു ..
