നഗരത്തിൽ നിന്ന് ഗ്രാമങ്ങളിലേക്ക്
ഗ്രാമത്തിൽ നിന്ന് നഗരങ്ങളിലേക്ക്
കുന്നുകളിൽ നിന്ന് സമതലങ്ങളിലേക്ക്
സമതലങ്ങളിൽ നിന്ന് കുന്നുകളിലേക്ക്
കാടുകളിലേക്ക് തീരത്തേക്ക്
പുഴകളിലേക്ക് കടലിലേക്ക്
ജീവികളിലേക്ക് മനുഷ്യരിലേക്ക്
ജീവിതങ്ങളിലേക്ക്
മരണത്തിലേക്ക് മരണത്തിൽ നിന്ന്
അവർ / നമ്മൾ
പോകാൻ കൊതിക്കുന്നു
പോകുന്നു മടങ്ങുന്നു
നമ്മൾ / അവർ അവിടങ്ങളിലേക്ക്
യാത്ര തുടങ്ങിയിരുന്നോ ………
അവിടെത്തിയോ………
തിരികെ വന്നോ………..
തേടിപ്പോയത് കിട്ടാതെ
അവിടവിടങ്ങളിൽ നഷ്ടമായവരെ
കാണാതെപോയവരെ തിരഞ്ഞു
വീണ്ടും വീണ്ടും പ്രയാണം
വഴിയിൽ
പൂവുകളേറ്റ ചോര നീറ്റുന്ന
ദൂരകിതപ്പുകൾ
പരിഭ്രമണചുഴലി
അതിൽ നമ്മളും അവരും …
