ആരെങ്കിലും കാണുമെന്നപേടിയിൽ
വരില്ലയെന്ന് പറഞ്ഞിരുന്നെങ്കിലും
കോളേജ്‌ തുറക്കും മുൻപേ
അവൾ അവിടെത്തി
കൊഴിഞ്ഞ കാല വെയിൽമഴയിൽ
തണൽതേടി അണഞ്ഞ
കാറ്റുതലോടി ഇലകൾ വീണ
അതേ മരച്ചുവട്
അവളുടെ മുഖമിനുപ്പ്
മുടി മണം
ശ്വാസതാളം
പിടക്കുന്ന കഴുത്ത്
അനുഭൂതി തിണർത്ത് ,
മുത്തുമണി വിയർപ്പുതുള്ളികൾ
വിറ ഉടൽവിരലുകൾ
ഇറുകെമുറുക്കി ചേർന്ന്
ചുണ്ടുകൾ രുചിക്കാനായി
ആയുന്നേരം
മുന്നിൽ ശിപായി ശശിയേട്ടൻ
രണ്ട് പെൺകുട്ടികളോടും
എന്താ ഇത്ര നേരത്തെ വന്നത്
എന്ന് മാത്രം ചോദിച്ച്
ചെറുതായൊന്നുചിരിച്ച്
ഓഫീസു തുറക്കാൻ
ധൃതിയിൽ
നടന്നു പോയി
