ഒറ്റ

ഒറ്റപ്പെട്ടുപോയ സംഭവങ്ങൾ
എത്രമാത്രം വിഷമിക്കുന്നുണ്ടാവും
ഒറ്റയ്ക്കായതിൽ

ഒറ്റപ്പെട്ട കൊലപാതകം
ഒറ്റപ്പെട്ട തട്ടിക്കൊണ്ടുപോകൽ
ഒറ്റപ്പെട്ട ലോക്കപ്പ് മരണം

ഒറ്റപ്പെട്ട സ്ത്രീ-സ്ത്രീധന പീഡനം
ഒറ്റപ്പെട്ട അഴിമതി
ഒറ്റപ്പെട്ടുപോയവ ….

(മറ്റുള്ളവരുടെത് സ്വന്തമാക്കാനുള്ള മോഹം
കലശലായതുകൊണ്ട് മോഷണം
ഒരിക്കലും ഒറ്റപ്പെട്ട് പോവാറില്ലെന്നത് ആശ്വാസം)

ഒറ്റയ്ക്കായതിൻ്റെ ദുഃഖം
മറികടക്കാനായിരിക്കും
അവ ചിലപ്പോൾ സംഘടിതമായി മാറുന്നത്

എന്നാലും നമ്മെയെല്ലാം
സങ്കടപ്പെടുത്താനായി
അവിടവിടെ ഒറ്റപ്പെട്ട സംഭവങ്ങൾ