സുനിൽ കുണ്ടോട്ടിൽ

പടിഞ്ഞാറൻ ചക്രവാളത്തിൽ പകലിന്റെ പട്ടടയ്ക്ക് ഒരുക്കങ്ങൾ തുടങ്ങിയതേയുള്ളൂവെങ്കിലും പ്രശാന്തന്റെ അമ്മയുടേത് അപ്പോളേക്കും എരിഞ്ഞടങ്ങിയിരുന്നു.

മേശപ്പുറത്തിരിക്കുന്ന നിത്യചെലവിലേക്കുള്ള സാധനങ്ങളുടെ നീണ്ട ലിസ്റ്റിലേക്കും, കൈയിൽ ചൈനീസ് വിശറിപോലെ വിരിച്ചുപിടിച്ചിരിക്കുന്ന ഒരുപിടി വർണ്ണശബളമായ നോട്ടുകളിലേക്കും ശരത് മാറിമാറി നോക്കി .