ശ്രീദേവി. എം. മേനോൻ

തണുത്തുറഞ്ഞ ദേഹങ്ങളൊക്കെ  മൃതദേഹങ്ങളാണെങ്കിൽ  ആ നൂറ്റിരുപത്തൊന്നാം നമ്പർ  കെട്ടിടത്തിൽ ശവങ്ങളാണ്  സൂക്ഷിച്ചിക്കുന്നത്.  മോർച്ചറി എന്നും വിളിക്കാം.  ശവങ്ങളെന്നാൽ പ്രേതങ്ങളല്ലേ ?  ഇടയ്ക്ക് നിശബ്ദതയിൽ കുളത്തില്‍ കല്ല്  വന്നു വീഴും പോലെ  എ.സിയുണ്ടാക്കുന്ന മുരൾച്ച കേൾക്കാം.  ശവങ്ങൾ ചീഞ്ഞു പോകാതിരിക്കാൻ  തണുപ്പിച്ചു വയ്ക്കുന്നതാവാം.  പ്രേതങ്ങൾ ശീതികരണി ഉപയോഗിച്ചതാവുമാവാം.   പ്രേതങ്ങൾ സ്വതന്ത്രരാണ്.  അവർക്ക് ധാർമ്മികബാദ്ധ്യതകളില്ല.  ബന്ധങ്ങളിലെ നൂലാമാലകളില്ല...