സോണിയ ഷിനോയ്

വെളിപ്പെടാത്ത കവിയിടങ്ങൾ  അതിന്റെ  നഗരനിർമ്മിതിയുടെ ചതുരതയാൽ   നിങ്ങളെ കുഴപ്പിച്ചേക്കാം.  പാതിയടഞ്ഞ,  അഥവാ പാതിതുറന്ന  ഒരു വാതിലിന്റെ  അനന്ത സാദ്ധ്യതകളെന്നപോലെ സങ്കീർണമാണത്.  അവളുടെ/ അവന്റെ പ്രണയം  ഒരേസമയം  വൃന്ദാവനമോ,  സ്മൃതികുടീരമോ,  ഏദൻ തോട്ടമോ ആകാം.  എന്നാൽ,  അതൊരു ധർമ്മവിഹാരം മാത്രവുമാകാം.  അവളുടെ/ അവന്റെ  പ്രാക്കൂട്ടത്തിന്റെ വായ്ത്താരികൾ,  ഏതോ പ്രാർത്ഥനാമന്ത്രമെന്നു തോന്നും.   സമാധാനത്തിലേക്കു കുറുകുന്ന ശരണമുഴക്കങ്ങളുടെ പ്രകമ്പനമാണത്. അവ(ളുടെ)ന്റെ,  നിറയെ മഞ്ഞച്ച, തീമരങ്ങൾ,  വെയിലു പൂത്ത  പൂമരച്ചോലയെന്നു...