ഡോ: സതീഷ് കുമാർ. പി കെ

"ഉയരം നിനക്കായി കാത്തിരിക്കുന്നു മുന്നിൽ, ഉണ്ടായിരിക്കില്ലുണ്ണീ മുത്തച്ഛനന്നീ മണ്ണിൽ.... ഒത്തിരിക്കാലം !  വയ്യാ.... കിടക്കാനുണ്ണീ, പോവാൻ തിടുക്കം,  മുത്തശ്ശിത- ന്നരികത്തെത്തീടുവാൻ ..." നിറകണ്ണുകൾ നീറും നോവുമായ് ചുറ്റും നിൽക്കേ, നിറദീപത്തിൽ നാളം പതിയെപ്പൊലിഞ്ഞുപോയ്. വാക്കിനെ പ്രാണൻപോലെ നിനയ്ക്കും  മുത്തച്ഛനാ- വാക്കുകൾ പാലിച്ചന്നാ പടികൾ ഇറങ്ങിപ്പോയ്....... പിന്നിലായ്  മൂകം,തേങ്ങീ ഞാറ്റുവേലയും പോയി ; മണ്ണിതിൽ പതിക്കുന്ന തൂമ്പതൻ ഗാംഭീര്യവും..! ചെളിയോടൊപ്പം,  ചേറും കുതിരും കുപ്പായത്തിൻ നിറവും, ...