നിരാകരണീയതകൾ അതൊരു
തുടര്‍ച്ചയാണ്
പ്രണയം ഇട്ടെറിഞ്ഞവനിൽ
നിന്നോ അവളില്‍ നിന്നോ
നാനാമ്പെടുക്കുന്ന തുടര്‍ച്ച.
ഉടൽ പൂത്ത ആസക്തികളെയടര്‍-
ത്തി മാറ്റിയാൽ പിന്നെ
കനൽ പൂത്തു തുടങ്ങുന്ന തുടര്‍ച്ച.
ആ വിഷാദ ശാലയില്‍ കനലുകള്‍
ഘനീഭവിക്കുകയില്ലത്രെ,
പിന്നെയോ?പൊളളിച്ചകളുടെ
വിയര്‍പ്പു തുളളിയും,
കണ്ണു നീരുമായി ഉത്ഭവിക്കും.
പൊളളിച്ചകൾക്കിടയിൽ ചില
ചങ്ങല കണ്ണികളടര്‍ന്നു വീഴാറുമുണ്ട്,
സ്വപ്നങ്ങളാൽ വിളക്കി ചേര്‍ത്ത
ചങ്ങലകണ്ണികൾ.
അവിടെയവർ കെട്ടിപ്പടുത്ത
കല് ഫലകങ്ങളോരോന്നായി കൊത്തിയടർത്തും,
വൃന്ദാവനത്തിലെ പൂക്കളത്രയും
പിച്ചിയെരിക്കും, പ്രണയം
കുറിച്ചെടുത്ത പുസ്തകത്താളുകൾ
കത്തിയെരിയിക്കും
അപ്പോള്‍ ചരിത്രം പറയും നിരാകരണീയതകൾ
അത് വെറുമൊരു തുടർച്ചയാണ്,
ലാഘവങ്ങളുടെ തുടര്‍ച്ച.
തീവ്ര ഉഷ്ണത്തിലെത്ര
മരുപ്പച്ചകൾ തേടി.
