മണ്ണില്ല മരമില്ല വിണ്ണില്ല, നെഞ്ചിൽ
പൊട്ടിച്ചിതറി ചില്ലക്ഷരവിത്തുക-
ളെമ്പാടും ചൊല്ലുവാനില്ലാത്ത ഗാഥകൾ…
ഭിക്ഷ യാചിക്കുന്നനാഥമായ് തൂലിക!
കണ്ടാലറിയാതെ വാക്കുകളുള്ളിലെ
പുസ്തകക്കൂട്ടത്തിൽ പാത്തുകിടക്കുന്നു!
കൂനയായ് ചിന്തയിലക്ഷരങ്ങൾ കൂട്ടി
തീ കാഞ്ഞിരിക്കുന്നഭിനവസാഹിത്യം.
ഇത്തിരി ചാരം പൊതിഞ്ഞൊരു തീക്കന-
ലെങ്കിലും വേണമെനിക്കൊരു തീകുണ്ഡം തീർക്കുവാൻ, കല്പന
നീറ്റിയെടുക്കുവാൻ
നാവിലൂടായിരം കീർത്തനമാടുവാൻ.
