നവംബർ ഒൻപതാം തീയതി കൊച്ചി ഇടപ്പള്ളി ചങ്ങമ്പുഴ പാർക്കിൽ വച്ച് നടക്കുന്ന പോലീസ് കലാകാരന്മാരുടെ കൂട്ടായ്മയായ അക്ഷരദീപത്തിന്റെ രണ്ടാം വാർഷികം, പ്രശസ്ത സാഹിത്യകാരനും സാംസ്കാരിക നായകനുമായ പ്രൊഫസർ എം. കെ. സാനു ഉദ്ഘാടനം ചെയ്യുന്നു. എറണാകുളം ഡിസിപി ശ്രീ. സുദർശൻ കെഎസ് ഐപിഎസ് ചടങ്ങിൽ മുഖ്യാതിഥിയായിരിക്കും. ചടങ്ങിൽ അക്ഷരദീപം ബുക്സിൻ്റെ ഉദ്ഘാടനവും ലോഗോ പ്രകാശനവും പ്രൊഫ. എം.കെ. സാനു നിർവ്വഹിക്കുന്നു. മുഖ്യ പ്രഭാഷണം ശ്രീ. സുദർശൻ കെഎസ് ഐ പി എസ് നടത്തും.
അക്ഷരദീപം പുരസ്ക്കാരങ്ങൾ നേടിയ അംഗങ്ങളായ ശ്രീ. സുരേഷ് തെക്കീട്ടിൽ, ശ്രീ. വി.ജി. ബാലകൃഷ്ണൻ, ശ്രീ. എ. അനന്ദലാൽ, ശ്രീ. കെ. എൻ. സോമശേഖരൻ, ശ്രീ. വിനോദ് ചമ്പക്കര, ശ്രീ. വി.എസ്. ഷിഹാബ് എന്നിവർക്ക് ഉപഹാരം നൽകി ആദരിക്കും. വാർഷികത്തോടനുബന്ധിച്ച് അക്ഷരദീപം പോലീസ് കലാകാരന്മാരുടെ വിവിധ പരിപാടികൾ ഒരുക്കിയിട്ടുണ്ട്. ചടങ്ങിനോട് അനുബന്ധിച്ച് പുസ്തകപ്രദർശനവും ചിത്ര പ്രദർശനവും നടത്തും.
അക്ഷരദീപം ചീഫ് അഡ്മിൻ ജോസഫ് സാർത്തോ പി.എ യുടെ നേതൃതത്തിൽ സംഘടിപ്പിക്കുന്ന ചടങ്ങിൽ പ്രൊഫ. എം.കെ. സാനു മാഷിനെയും ശ്രീ. സുദർശൻ കെ.എസ്. ഐ പി എസ്സിനെയും ആദരിക്കും. ഡി വൈ എസ് പി ശ്രീ. സുരേന്ദ്രൻ മങ്ങാട് , ചങ്ങമ്പുഴ പാർക്ക് പ്രസിഡന്റ് എന്നിവർ ആശംസകളും ശ്രീ. രേഖ വെള്ളത്തൂവൽ കൃതജ്ഞതയും രേഖപ്പെടുത്തും.
