തിരക്ക്

ബാക്കി വെച്ചേക്കണം
എന്നും, കുറച്ചു തിരക്കിനെ !
എങ്കിലെ ജീവിതത്തിന്
ഒരു,ഷാറുണ്ടാകൂ

കുളിരുള്ള പ്രഭാതത്തിൽ
‘നേരം വൈകി’ -യെന്ന
ചൂടുള്ള ഓർമ്മയെ
ചൂടുള്ള പ്രഭാതത്തിൽ
‘നേരത്തേ പോകാ’ -മെന്ന
കുളിരുള്ള ഓർമ്മയെ

ഓർത്തു നോക്കൂ;
തിരക്കില്ലാത്ത ദിനങ്ങളെ !
ഒന്നും ചെയ്യാനില്ലെന്ന
മുഷിപ്പൻ പ്രഭാതം
ഒന്നും വയ്യെന്ന മധ്യാഹ്നം
മടുപ്പെന്ന സായാഹ്നം
ഉറക്കമില്ലാത്ത അലസതയുടെ
രാത്രി

തള്ളിനീക്കുന്നതാവരുത് ജീവിതം
സമയം പോര, സമയം പോരെന്ന്
തുള്ളി നീങ്ങുന്നതാവാണം
എന്നും കുറച്ച് തിരക്ക് ബാക്കിയാവണം.