ആരുടെ സ്വപ്നമാണെന്ന്
ഞാനറിയുന്നല്ല എങ്കിലും
ഞാനും നീയും മാത്രമേ അതിലുള്ളൂ
ആരുടേതാകം എന്നു പല
ആവർത്തിയിൽ ചിന്തിച്ചു
നട്ടം തിരിഞ്ഞു പിന്നെയും..,
ആർക്കറിയാം.
അവടിവിടെയായി
നരബാധിച്ചിരിക്കുന്നു
നശിച്ച ഓർമ്മകൾക്ക്..
എങ്കിലും പ്രവേശനമില്ലാത്ത
കവാടത്തിനു മുന്നിലായി
ഞാൻ കാത്തുകിടന്നു; വെറുതെ !,
തുറക്കപ്പെടാതെ നീയും.
തിരിച്ചറിയുമോ എന്ന
വേവലാതി തെല്ലുമില്ല
തമ്മിലിനിയും കാണും
എന്ന പ്രതീക്ഷ മാത്രം ബാക്കി.
ആൾപ്പെരുമാറ്റമില്ലാത്ത
തെരുവിലിരുന്നാണ് അയാൾ
കിനാവ് കണ്ടത്.
നഷ്ടപ്പെട്ടവന്റെ കിനാവ്.
അത് തുടർന്നു കൊണ്ടേയിരിക്കും
സമാന്തരമായി.
