“…എന്നും ഞങ്ങൾ മാത്രം മരിച്ചുവീഴുന്ന ഈ യുദ്ധം വാർത്തകളിൽ നിറയാറില്ലെങ്കിലും ഞങ്ങൾ ഇന്നും പതിവ് യുദ്ധത്തിലാണ്….” ശ്രീ ജെയിൻ ജെയിംസ് ജൂൺ ഇരുപതാം തീയ്യതി തസറാക്കിൽ എഴുതിയ കവിതയിൽ നിന്നാണിത് . അദ്ദേഹം ഈ കഴിഞ്ഞ രാത്രി ജീവിതത്തോടുള്ള തന്റെ യുദ്ധം അവസാനിപ്പിച്ചു മടങ്ങിയിരിക്കുന്നു.
കവിതയിൽ സ്വന്തമായ വേരുകളുറപ്പിച്ചു കടന്നുപോയ അദ്ദേഹത്തിന്റെ നിരവധി കവിതകൾ ആനുകാലികങ്ങളിലൂടെയും ഓൺലൈൻ എഴുത്തുകളിലൂടെയും വായനക്കാരെ ആകർഷിച്ചിരുന്നു. ദീർഘകാലം ബഹ്‌റൈൻ പ്രവാസജീവിതത്തിനു ശേഷം സ്വദേശമായ കോട്ടയത്തായിരുന്നു താമസം. പ്രിയ എഴുത്തുകാരനു തസറാക് കുടുംബത്തിന്റെ ഹൃദയാഞ്‌ജലി.
