അവൻ്റെ ജനനം സംഭവിച്ചു !
തരക്കേടില്ലാത്ത
കുടുംബത്തിലാണെന്നും
അപ്രകാരം തട്ടുകേടില്ലാതെ
ജീവിക്കാമെന്നും
തലയിൽ വരച്ചു.
അവൻ ജീവിക്കുവാൻ
തീരുമാനിച്ചു !
തമ്മിൽതല്ലാതിരിക്കാൻ
അങ്ങിനെ ആവണമെന്നും
അപ്രകാരം
നല്ലവനായി ജീവിക്കാമെന്നും
തെളിയിച്ചു കാണിച്ചു.
അവൻ മരിക്കുവാൻ തീരുമാനിച്ചു !
തമ്മിൽ ഭേദം
ആവഴിയാണെന്നും
അപ്രകാരം
വിഷമമില്ലാതെ മരിക്കാമെന്നും
തീരുമാനിച്ചുറച്ചു.
തലവര കൊണ്ടതും,
അങ്ങിനെ ആയതും,
ആ വഴിയുമെല്ലാം
കുറുക്കുവഴികളായിപ്പോയതിനെപ്പറ്റിയുള്ള
അവൻ്റെ മരണക്കുറിപ്പ്
പോക്കറ്റിൽ നിന്നും കണ്ടെടുത്തു
ചുറ്റും കൂടിനിന്നവർ
ഇങ്ങനെ വായിച്ചു
“അവന് എന്തിൻ്റെ കേടായിരുന്നു ?
